Bitcoin cümə axşamı ticarətində ayı bazarının dərinliyinə düşərək oktyabrda qeydə aldığı $126 272-lik son günlük ticarətdəki yüksək səviyyəsindən 22% aşağı enib. Kriptovalyuta 4 noyabrda həmin yüksək səviyyədən 20% aşağı düşdükdə rəsmi olaraq ayı bazarına daxil olduğu görünməkədir.
Banker.az xəbər verir ki, onunla paralel Ethereum 6% düşüb, Solana təxminən 7% ucuzlaşıb, XRP isə 1,5% dəyər itirib.
Bakı vaxtı ilə 13.00 radəlrəində Bitcoin $97000 səviyyəsində ticarət edilib ki, günlük 6% enişdir.
Bu eniş bazarda qeyri-müəyyənliyin göstəricisidir. Çünki Prezident Donald Tramp çərşənbə günü tarixdəki ən uzun hökumət bağlanmasını bitirən qanunu imzalayıb. İnvestorlar bunun bazar üçün hansı ölçüdə katalizator olacağını anlamağa çalışır, eyni zamanda səhm bazarları da düşür.
Kripto investorları üçün əsas sual Federal Ehtiyat Sisteminin növbəti addımıdır. Hökumət maliyyələşdirməsindən sonra bir sıra iqtisadi göstəricilər açıqlanacaq, baxmayaraq ki, bəziləri gecikə bilər. Ticarətçilər nəticədə faiz dərəcələrinin sabit saxlanılması ehtimalının artdığını qiymətləndirirlər.
Əgər açıqlanan məlumatlar mərkəzi bankın gələn ay faiz dərəcələrini sabit saxlaması üçün əsasları gücləndirərsə, bu, Bitcoin və digər kripto aktivlərinə mənfi təsir göstərə bilər. Borc xərcləri yüksək olduqda, riskli aktivlər gəlir gətirən investisiyalar, məsələn, istiqrazlar və əmanət hesabları ilə müqayisədə daha az cazibədar olur.
