Bitkoinin qiyməti 99 min dolları ötərək bütün zamanların ən yüksək səviyyəsinə çatıb. Xatırladaq ki, bir gün əvvəl virtual valyuta tarixi maksimumunu yeniləyərək 98 min dolları keçib.
“Binance” birjasının məlumatına görə, Bakı vaxtı ilə saat 7:17-də kriptovalyutanın məzənnəsi 4.42% artım göstərərək 99.1 min dollar təşkil edib. Bununla belə, beş dəqiqə sonra artım yavaşlayıb və 98.98 min dollar (+4.27%) səviyyəsinə düşüb.
“AFP” yazır ki, kriptovalyutanın dəyəri ABŞ-nin yeni seçilmiş prezidenti Donald Trampın “Bitcoin”in tənzimlənməsinin sadələşdirilməsi ilə bağlı tədbirləri təşviq edəcəyi gözləntiləri fonunda artır.
