“Bitcoin”in qiyməti avqustun 14-dən bəri ilk dəfə 120 min dolları ötüb, bu barədə “Binance” platformasının məlumatları göstərir. Daha sonra qiymət artımı zəifləyərək 120 001 dollara çatıb, ümumi artım isə 1,83% təşkil edib.
Oktyabrın 2-nə olan məlumata görə, “Bitcoin”in kapitallaşması 2,395 trilyon dollar olub ki, bu da bütün kriptovalyuta bazarının 58,1%-nə bərabərdir.
Qiymətin son sutkada artması səbəbindən dünya kriptobirjaları 128 mindən çox treyderin mövqelərini ümumilikdə 430,98 milyon dollar dəyərində ləğv edib. Bu məbləğin 151 milyon dollardan çoxu “Bitcoin”in payına düşüb.
