Bitkoinin dəyəri 50 min dollara çatıb.
Banker.az bu barədə xarici KİV-ə istinadən xəbər verir.
Xatırladaq ki, sonuncu dəfə kriptovalyuta bu səviyyədə mayın 15-də olub.
“Coinmarketcap”ın verdiyi məlumata görə, bitkoin saat 07:00-da 2.6% artaraq 50.1 min dolları keçib. Onunla yanaşı digər kriptovalyutalar da artır: “Ethereum”, “Binance Coin”, “XPR” və s.
Aprel ayında bitkoinin dəyəri tarixdə ilk dəfə olaraq 65 min dolları keçərək geriləməyə başlayıb. İyulda rəqəmsal valyuta 30 min dollardan aşağı səviyyəyə düşüb. Ayın sonunda İlon Mask və “Amazon” şirkətinin açıqlamalarından sonra məzənnə yenidən artmağa başlayıb.
