Azərbaycanda sənaye sektoru 2024-cü ilin ortalarından etibarən dirçəlməyə başlasa da, 2025-də bir qədər zəifləyib.
Banker.az Azərbaycan Mərkəzi Bankına istinadən xəbər verir.
Səneye indeksi 2025-ci ilin yanvarında 12.2 bənd olan indeks, fevralda 9.5 bəndə düşüb.
Tikinti sahəsində dərin böhran avqust-sentyabr aylarında baş versə də, sonradan qismən bərpa var. Yanvarda mənfi 0.4 bənd səviyyəsində olan indeks, fevralda mənfi 0.1 bəndə qalxsa da, hələ də mənfi zonadadır.
Pərakəndə ticarətdə 2024-cü ilin əvvəlində yüksək optimizm olsa da, yaz aylarında böyük eniş müşahidə olunub. İlin sonunda yenidən artım müşahidə edilib, amma 2025-də azalma başlayıb. Yanvardakı 16.4 bənd göstəricisindən 10.5 bəndə düşərək əhəmiyyətli azalma nümayiş etdirib.
Xidmətlər sektorunda noyabrdan başlayan geriləmə hələ də davam edir və bu sahədə ən ciddi pessimizm hiss olunur. Yanvarda 23.4 bənd olan indeks, fevral ayında 16.2 bəndə geriləyib.
İnam İndeksi — sahibkarların, şirkətlərin və sektor iştirakçılarının iqtisadi vəziyyətə və gələcək gözləntilərə olan münasibətini ölçən göstəricidir.
Hər sahə üzrə (sənaye, tikinti, ticarət, xidmət) iş adamları və menecerlərlə aparılan sorğular əsasında hesablanır:
-
Son 3 ayda fəaliyyət necə gedib?
-
Növbəti 3 ay üçün plan və gözləntilər necədir?
-
Sifariş, satış, qiymət və işçi sayı üzrə dəyişikliklər necədir?
