İnvestisiya şirkətinin baş direktoru Stefen Şvartsman “Bloomberg”ə bildirib ki, “Blackstone Inc.” növbəti on il ərzində Avropaya 500 milyard dollara qədər sərmayə qoymağı planlaşdırır. Agentlik qeyd edir ki, bu cür planlar geosiyasi dəyişikliklər zamanı regionun artan cəlbediciliyindən xəbər verir.
“Blackstone” Avropanı investorlar üçün cəlbedici bir yer kimi görməkdə tək deyil. “BC Partners”, “Permira” və “Brookfield Asset Management” şirkətlərinin nümayəndələri keçən həftə Berlində keçirilən sənaye konfransında oxşar planları səsləndiriblər.
“Blackstone”un London ofisində 650 nəfər var, Şvartsman deyib. Şirkət Britaniyaya təxminən 100 milyard dollar sərmayə qoyub və onu ölkədəki ən böyük xarici investorlardan birinə çevirib.
Şvartsmanın sözlərinə görə, şirkət Riyad və Dubay kimi şəhərlərin sürətli böyüməsi ilə “cəlbedici imkanlar yaradan” Yaxın Şərqlə də maraqlanır.
