“Bloomberg” yazır ki, sona çatan 2023-cü il 2020-ci ildə koronavirus pandemiyasının başlanmasından bəri dollar üçün ən pis il olub. Amerika fond bazarı FED-dən faiz dərəcələrini aşağı salacağını gözləyir ki, bu da Amerika valyutasının cəlbediciliyinə təsir edəcək.
Agentliyin ABŞ valyutaları indeksi bu il təxminən 3% ucuzlaşıb ki, bu da 2020-ci ildən bəri ən kəskin azalmasıdır. Bu daralma ilk növbədə dördüncü rübdə FED-in ABŞ iqtisadiyyatındakı yavaşlama səbəbindən 2024-cü ildə siyasəti yumşaldacağına dair artan proqnozlar fonunda baş verib. Agentliyin izah etdiyi kimi, bu, dolların cəlbediciliyini azaldır, çünki bütün dünya üzrə mərkəzi banklar öz dərəcələrini daha uzun müddət yüksək saxlayır.
Dolların 2024-cü ilin noyabrında keçiriləcək ABŞ prezident seçkilərinə qədər möhkəmlənəcəyini gözləyə bilər, lakin namizədlər arasında Donald Trampın olması siyasi qarışıqlıq və valyuta dəyişkənliyini təhdid edir, Yaponiya Bazar Risk Məsləhətçiliyinin ekspertləri hesab edirlər.
Bunun fonunda dollar qlobal bazarda nəzərəçarpacaq dərəcədə zəifləyib. Dollar indeksi (DXY) ötən həftə bu ilin avqustundan bəri ən aşağı səviyyəyə düşüb. Həftənin sonunda indeks 1.34% azalaraq 102.59 bənd təşkil edib. Bazar ertəsi, dekabrın 18-də keçirilən ticarət zamanı DXY dərhal daha 0.17% azalaraq 102.42 bənd təşkil edib.
“Bloomberg” yazır ki, FED-in iclasından sonra hedcinq fondları və digər əsas oyunçular dolların digər valyutalar qarşısında ucuzlaşmasına mərc etməyə başlayıb. “Goldman Sachs” analitikləri digər ekspertlərə qoşularaq dolların ucuzlaşacağını gözləyirlər.
Noyabr ayında “Moody’s” reytinq agentliyi ABŞ-ın kredit reytinqi üzrə proqnozu sabitdən neqativə endirib. Xəzinədarlığın katibi Janet Yellen “Bu, razı olmadığım bir qərardır” deyə cavab verib və Amerika iqtisadiyyatının güclü olaraq qaldığını və ABŞ Xəzinədarlığının qiymətli kağızlarının təhlükəsiz və likvid aktivlər olduğunu vurğulayıb.
