Vyetnam Trampın tarif qərarına təəccüblənib və rüsum dərəcəsinin azaldılmasına çalışır.
Bu barədə Banker.az “Bloomberg”ə istinad edir.
→ Trampla telefon danışığından sonra Vyetnam Kommunist Partiyasının lideri To Lam tariflərin azaldılması üzrə danışıqların davam etdirilməsinə çağırıb. Açıqlanan 20%-lik rüsum Vyetnam üçün gözlənilməz olub — rəsmi Hanoy 10–15% aralığına ümid edirmiş.
Tramp Vyetnamla — Böyük Britaniyadan sonra ikinci ölkə olaraq — razılaşma əldə etdiyini açıqlayıb, eyni zamanda 1 avqustdan qüvvəyə minəcək 50%-ə qədər rüsumlarla digər ölkələrə tarif təzyiqlərini davam etdirir.
Vyetnam ABŞ və Çin arasında balanslı münasibətləri qorumağa çalışır.
Vaşinqton Hanoydan Çindən yan keçən rüsumlardan yayınma sxemlərini dayandırmağı tələb edir, Pekin isə maraqlarına zərər vurulacağı halda mümkün cavab tədbirləri ilə bağlı xəbərdarlıq edir.
❗️Eyni zamanda, Vyetnam Çinlə əməkdaşlığı gücləndirir: BRICS sammitində tərəflər iki ölkə arasında dəmir yolunun tikintisini sürətləndirmək barədə razılığa gəlib.
