BMT Təhlükəsizlik Şurasının Venesuelaya həsr olunmuş iclası bu gün baş tutacaq. İclas Venesuelanın təşəbbüsü ilə çağırılıb, onun müraciətini Rusiya və Çin dəstəkləyib. İclas yerli vaxtla saat 15:00-da (Bakı vaxtı ilə 23:00-da) başlayacaq.
Çərşənbə günü Venesuelanın müdafiə naziri Vladimir Padrino Lopes bəyan edib ki, ölkə ABŞ-nin hərbi təhdidinə və Amerika Hərbi Dəniz Qüvvələrinin Karib dənizində yerləşdirilməsinə qarşı dayanmağa hazırdır.
Oktyabrın 3-də Pentaqon Karib dənizində narkotacirlərə məxsus gəmiyə növbəti “öldürücü zərbə” endirildiyini bildirib. Oktyabrın 5-də isə ABŞ prezidenti Donald Tramp Latın Amerikasının narkokartellərinə qarşı mübarizənin “ikinci mərhələsini” elan edib.
