BMW 1.5 milyon avtomobili əyləc sistemindəki problemlərə görə geri çağırıb.
Bu barədə “Bild” məlumat yayıb. “Üçüncü tərəf istehsalçıları tərəfindən təchiz edilmiş inteqrasiya edilmiş əyləc sistemi (IBS) problemlərə səbəb olur”, – şirkət ətraflı məlumat vermədən elan edib.
BMW üçün bu, yüz milyonlarla avroluq əlavə zəmanət xərcləri ilə nəticələnəcək. Şirkət bu il üçün mənfəət proqnozuna yenidən baxmağa məcbur olub. Şirkətin səhmləri dərhal 7% ucuzlaşıb və tendensiya aşağıya doğru davam edir.
Almaniya avtomobil sənayesindəki yeganə problemlər bunlar deyil: “Volkswagen” bundan əvvəl genişmiqyaslı ixtisar proqramı və mümkün zavodların bağlanması barədə məlumat vermişdi.
