“İnkişaf üçün Maliyyə” Bank Olmayan Kredit Təşkilatı MMC 2023-cü ili 813 min manat xalis mənfəət ilə başa vurub. 2022-ci ildə BOKT-un mənfəəti 1 milyon 63 min manat olub ki, bu da illik müqayisədə 23.5% azalma deməkdir.
Banker.az bu barədə BOKT-un maliyyə hesabatına istinadən xəbər verir.
Ötən il “İnkişaf üçün Maliyyə”nin faiz gəlirləri 2 milyon 998 min manat (əvvəlki ilə nisbətən 25% çox), faiz xərcləri 359 min manat (87% çox) təşkil edib.
Hesabat dövründə BOKT-un cəmi aktivləri 20% artaraq 11 milyon 314 min manat, o cümlədən kredit portfeli 14.3% artaraq 10 milyon 93 min manat olub.
