Azərbaycanın bank olmayan kredit təşkilatları 2023-cü ilin I rübündə 11.6 milyon manat həcmində xalis mənfəət əldə edib və bu öncəki ilin eyni dövründən 5.5 dəfə çoxdur.
Banker.az bu barədə Azərbaycan Mərkəzi Bankına istinadən xəbər verir. Burada, Aqrarkredit QSC istisna edilir.
Bank olmayan kredit təşkilatlarının faiz gəlirləri 32.2 milyon manat olmaqla öncəki ildən 2 dəfə çox olub. Bunun da əsası 32 mln. manatı kreditlərdən gələn faiz gəlirləridir.
2023-cü ilin yanvar-mart ayları ərzində faiz xərcləri 2.5% artaraq 6.1 mln. manat olub.
BOKT-lər hesabat müddətində 5.7 mln. manat qeyri-faiz gəlirləri əldə etmiş, 17.4 mln. manat qeyri-faiz xərcləri çəkmişdir ki, bununla da təşkilatların əməliyyat mənfəəti 14.3 mln. manat təşkil edib. Ötən ilin eyni dövründə 4.4 mln. manat əməliyyat mənfəəti etmişdilər.
| Bank olmayan kredit təşkilatlarının mənfəət və zərər haqqında hesabatı, mln. manatla | |||
| 31.03.2021 | 31.12.2022 | 31.03.2023 | |
| 1. Faiz və gəlirlərin bu qəbildən olan növləri | 15.9 | 99 | 32.151 |
| a) kreditlər üzrə faizlər | 15.8 | 98.3 | 32 |
| 2. Faizlər və onlara bağlı xərclər | 2.5 | 21.5 | 6.142 |
| a) öhdəliklər üzrə faizlər | 2.5 | 21.5 | 6.142 |
| 3. Xalis faiz gəliri (zərəri) | 13.4 | 77.5 | 26.009 |
| 4. Qeyri-faiz gəlirləri | 2.1 | 20 | 5.684 |
| 5. Qeyri-faiz xərcləri | 11.1 | 60 | 17.409 |
| 6. Əməliyyat mənfəəti (zərəri) | 4.4 | 37.5 | 14.284 |
| 7. Aktivlər üzrə mümkün zərərlərin ödənilməsi üçün xüsusi ehtiyatın yaradılmasına ayırmalar (xərclər) | 1.9 | 5.9 | 1.931 |
| 8. Vergilər və bank fəaliyyəti ilə bağlı gözlənilməz xərclər ödənilənədək mənfəət (zərər) | 2.5 | 31.6 | 12.353 |
| 9. Gözlənilməz fəaliyyət növlərindən və əvvəlki dövr üçün uçotdakı dəyişikliklərdən gəlir (xərc) | – | 0.005 | 0.199 |
| 10. Vergilər ödənilənədək mənfəət (zərər) | 2.5 | 31.6 | 12.552 |
| 11. Mənfəətdən vergilər | 0.4 | 5.9 | 0.934 |
| 12. Xalis mənfəət (zərər) | 2.1 | 25.7 | 11.618 |
| * Aqrarkredit QSC istisna olmaqla | |||
