Böyük Britaniyanın rəqabət məsələləri İdarəsi (CMA) “Facebook” şirkətini “Giphy” xidmətinin alışı razılaşması çərçivəsində əlavə məlumatlar təqdim edilmədiyinə görə 69.5 milyon dollar cərimə edib.
Banker.az xəbər verir ki, “İki fərqli məhkəmə iddiasında uduzmasına baxmayaraq, Facebook öhdəliklərinə məhəl qoymamağa davam edir”, – CMA-nın açıqlamasında deyilir.
Qeyd edək ki, “Facebook” və “Giphy” arasındakı razılaşma mövcud olan bütün platformalardan GIF-faylların silinməsi ilə nəticələnə bilər. CMA istintaqa 2021-ci ilin yanvarında başlayıb.
“Facebook” “Giphy” şirkətini 2020-ci ilin mayında 400 milyon dollara “Instagram” ilə birləşdirmək üçün alıb.
