Böyük Britaniyada inflyasiya son üç ildə ilk dəfə 2 faizdən 1,7 faizə enib.
Bu, qeydə alınan ən aşağı göstəricidir.
Britaniyanın Milli Statistika İdarəsi (ONS) tərəfindən açıqlanan məlumatlara görə, hava nəqliyyatı biletlərinin və benzin qiymətlərinin azalması inflyasiyanın yavaşlamasında mühüm rol oynayıb. Bu hal inflyasiyanın İngiltərə Bankının 2 faizlik hədəfindən aşağı düşdüyü deməkdir ki, bu da gələn ay faiz dərəcələrinin daha da azaldılması ehtimalını artırır.
Adətən sentyabr ayının göstəricisi gələn il aprel ayında Universal Kredit və digər sosial müavinətlərin artım səviyyəsinin müəyyən edilməsi üçün istifadə olunur.
ONS-in məlumatına əsasən, sentyabrda benzin və dizel qiymətləri əvvəlki ilin eyni dövrü ilə müqayisədə əhəmiyyətli dərəcədə, 10,4 faiz azalıb. Eyni zamanda, daxili, Avropa və uzun məsafəli uçuşlar üçün biletlərin qiymətləri də inflyasiya səviyyəsinin aşağı düşməsinə təsir edib.
