Böyük Britaniyada birinci rübdə işsizlik səviyyəsi 3.8%-dən 4.3%-ə yüksəlib – işsizlərin sayı 166 min nəfər artıb. Vakant iş yerlərinin sayı 3% azalaraq 898 min təşkil edib. Artım analitiklərin proqnozlarından bir qədər yüksək olub.
Bəzi ekspertlərin fikrincə, bu cür göstəricilər İngiltərə Bankını faiz dərəcələrini aşağı salmağa sövq edə bilər. Bundan başqa, inflyasiya səviyyəsi yanvarda 4%-dən martda 3.2%-ə düşüb. İngiltərə Bankının baş iqtisadçısı Hyu Pill bildirib ki, əmək bazarındakı vəziyyət tarixi standartlara görə çətin olaraq qalır.
Eyni zamanda, digər analitiklər hesab edirlər ki, birinci rübdə əmək haqqı artımının gözləniləndən daha güclü olması, faiz dərəcəsinin azaldılmasını çətinləşdirir.
