İngiltərənin baş naziri Boris Conson hökumətə rəhbərlik etməyə davam edir. Banker.az xəbər verir ki, bu haqda “RİA Novosti” məlumat verib.
Xatırladaq ki, cümə günü Consona koronavirus diaqnozu qoyulmuşdur və baş nazir özünü təcrid etmək qərarına gəlib. İstənilən vaxt onu ölkənin xarici işlər naziri Dominik Raab əvəz edə bilər.
“Baş nazir koronavirusla mübarizə məsələlərində hökumətə rəhbərlik etməyə davam edir. Hökumət pandemiya ilə mübarizə aparmaqda tamamilə həmfikirdir. Hökumətin strukturunda heç bir boşluq yoxdur”, – nazir qeyd edir.
O, Böyük Britaniya sakinlərini evdən çölə çıxmamağa çağırır.
