2023-cü ildə BP şirkəti və onun əməliyyatçısı olduğu birgə layihələrdəki tərəfdaşları sosial investisiya layihələrinə Azərbaycanda 2 milyon ABŞ dollarından artıq vəsait xərcləyiblər.
Bu barədə “BP-Azerbaijan” şirkətinin 2023-cü ilin nəticələri üzrə biznesə dair yaydığı məlumatda qeyd edilib.
Bu, 2022-ci illə müqayisədə 1,4 milyon ABŞ dolları və ya 41,2 % azdır.
Ötən il bu layihələrə hazırda davam edən 16 təhsil proqramı, yerli bacarıqların yaradılmasını və sahibkarlığın inkişafını dəstəkləyən 4 layihə və ətraf mühit üzrə 1 təşəbbüs daxil olub.
Bundan əlavə, BP ayrıca bir şirkət kimi öz adından Azərbaycanda sponsorluq etdiyi layihələrə təxminən 0,9 milyon ABŞ dolları vəsait xərcləyib ki, 2022-ci illə müqayisədə 1,1 milyon ABŞ dolları və ya 2,2 dəfə azdır.
İl ərzində bu layihələrə hazırda davam edən 14 təhsil təşəbbüsü, yerli bacarıqların yaradılmasını və sahibkarlığın inkişafını dəstəkləyən 1 layihə, ətraf mühit üzrə 5 təşəbbüs, ölkənin zəngin mədəni irsini və idmanı təbliğ edən 3 layihə və müxtəlif mövzularda 18 konfrans və seminara dəstək fəaliyyəti daxildir.
