“Şahdəniz” yatağından ixrac olunan qaz İtaliyanın qaz tələbatının 10 faizini ödəyir ki, bu çox böyük rəqəmdir.
Bu sözləri bp şirkətinin Azərbaycan, Gürcüstan və Türkiyə üzrə regional prezidenti Cio Kristofoli deyib.
O qeyd edib ki, “Şahdəniz” yatağında etibarlılıq göstəriciləri 100 faizdir. Bildirilib ki, qarşıdakı illərdə bu yataqda genişmiqyaslı işlər görüləcək.
Xatırladaq ki, 2025-ci ildə “Şahdəniz” üzrə fəaliyyətlərə təxminən 2 milyard 315 milyon dollar əməliyyat xərcləri və təxminən 1 milyard 87 milyon dollar əsaslı xərclər çəkilib. Hesabat dövründə yataqdan ümumilikdə – Şahdəniz Alfa və Şahdəniz Bravo platformalarından birlikdə təqribən 27 milyard standart kubmetr qaz və təxminən 4 milyon ton (təqribən 32 milyon barel) kondensat hasil edilib.
