Bu ilin birinci rübün sonunda BP şirkətinin işçiləri olan Azərbaycan vətəndaşlarının sayı 2 307 nəfər təşkil edib və bura müddətli müqavilə əsasında işləyən işçilər də daxildir.
Bu, 2022-ci ilin eyni dövrün göstəricisilə müqayisədə 60 nəfər və ya 2,67 % çoxdur.
2018-ci ilin ortalarından BP-nin ixtisaslı işçilərinin 90 %-ni milli kadrlar təşkil edir. İxtisası olmayan işçilər isə 100 % yerli vətəndaşlardan ibarətdir.
“BP öz təlim və inkişaf proqramlarını daha da optimallaşdırmaq, yüksək səviyyəli kadrlar üzrə yerli bazarı daha da yaxşılaşdırmaq məqsədilə dövlət və özəl sektorun təşəbbüslərində yaxından iştirak etmək səylərini davam etdirəcək”, – məlumatda deyilir.
