Böyük Britaniya hakimiyyəti sanksiya siyahısına Rusiyanın bir sıra fiziki və hüquqi şəxslərini daxil etməyi planlaşdırır. Bu barədə Britaniya hakimiyyətinin planları ilə tanış olan mənbələrə istinadən “Bloomberg” məlumat yayıb. Sanksiya siyahılarına korrupsiya ilə əlaqəli və insan hüquqlarının pozulmasına görə məsuliyyət daşıyan şəxslər daxil ediləcək.
Dekabrın 7-sində Avropa Komissiyası Rusiyaya qarşı doqquzuncu sanksiyalar paketinin məzmununu açıqlayıb. İxrac nəzarəti ilə bağlı yeni tədbirlər görüləcək, mədənçıxarma sənayesinə investisiya qoyuluşuna qadağa qoyulacaq; sanksiyalar daha üç Rusiya bankına təsir edəcək. Bundan əlavə, dörd Rusiya kanalının yayımı da bağlanacaq.
