Böyük Britaniya Ukraynaya mina detektorları və minatəmizləmə avadanlıqları partiyası göndərib.
Bu barədə Böyük Britaniyanın Müdafiə Nazirliyinin məlumatında deyilir.
“Böyük Britaniyanın növbəti yardım paketi Ukraynaya binaları və əraziləri minalardan təhlükəsiz şəkildə təmizləməyə kömək edəcək”, – müdafiə naziri Ben Uolles bildirib.
Müdafiə Nazirliyi tədarüklərin 2023-cü ildə də davam etdiriləcəyini vurğulayıb.
Qeyd edək ki, Böyük Britaniya 2022-ci il ərzində Ukraynaya davamlı olaraq dəstək verib və bu müddət ərzində hərbi yardımın çatdırılması üçün 240 uçuş həyata keçirilib.
