Böyük Britaniya tərəfindən gələcək illər üçün beynəlxalq yardım minimuma endirilə və ÜDM-in 0,5 %-i həcmində sabitlənə bilər.
Bu barədə “The Telegraph” nəşri yazıb.
Bildirilib ki, belə bir qərar Britaniya büdcəsinə hər il 4 milyard funt sterlinq (təxminən 4,52 milyard dollar) qənaət etməyə imkan verəcək.
Məlumata görə, belə olan halda ümumi xərclər 2024-2025-ci illərdən sonra azalmalıdır. Həmçinin Britaniya rəhbərliyi xarici yardım xərclərinin azaldılmasını 2024-2025-ci illərdən 2027-2028-ci ilə qədər inflyasiya səviyyəsinə bağlamaq variantını nəzərdən keçirir.
