Bakı Təşəbbüs Qrupu (BTQ) Azərbaycan universitetlərində təhsil alacaq müstəmləkələşdirilən ərazilərindən olan tələbələrə təqaüd verəcək.
Bunu BTQ-nin icraçı direktoru Abbas Abbasov Qvadelupanın Azadlığı Uğrunda Xalq Birliyinin nümayəndəsi Jan Jakob Bisep Qvadelupanın Azadlığı naminə Xalq Birliyinin təşkilatçılığı və Bakı Təşəbbüs Qrupunun (BTQ) dəstəyi ilə Fransa müstəmləkəçiliyindən əziyyət çəkən Korsika, Melaneziya, Polineziya, Karib və Antil adaları qrupundan olan 15-dən çox siyasi partiya və müstəqillik hərəkatlarının rəhbər şəxslərinin iştirakı ilə Bakıda keçirilən birinci qurultayında deyib.
“Böyük qürur hissi ilə bildirmək istəyirəm ki, bu ildən təşkilatımız Azərbaycanda təhsil almaq istəyən gənclərə təqaüdlər verəcək”, – o bildirib.
Qeyd edək ki, Bakı Təşəbbüs Qrupu Azərbaycan Respublikasının sədrlik etdiyi Qoşulmama Hərəkatının Əlaqələndirmə Bürosunun nazirlər toplantısı çərçivəsində 6 iyul 2023-cü ildə Bakıda “Müstəmləkəçiliyin tamamilə aradan qaldırılmasına doğru” adlı konfransın iştirakçıları tərəfindən yaradılıb. Bakı Təşəbbüs Qrupu XXI əsrdə hələ də müstəmləkəçilikdən əziyyət çəkən dünyanın müxtəlif bölgələrində yerləşən xalqların azadlıq uğrunda apardıqları mübarizəyə dəstək verir.
