12 noyabr 2021-ci il tarixində Mərkəzi Bankda Dövlət Neft Fondunun iştirakı ilə növbəti valyuta hərracı keçirilmişdir.
Hərracda tələb 88.6 mln. ABŞ dolları təşkil etmiş və tam təmin edilmişdir.
Hərracda manatın ortaçəkili məzənnəsi 1.7000 səviyyəsində formalaşmışdır.
Noyabrın ilk dörd hərracında 321.3 milyon dollarlıq valyuta satılıb. Beləliklə, 2021-ci ildə yanvar ayından bu tərəfə ilk dəfə aylıq ilk dörd hərracları nəzərə alsaq ən böyük məbləğdə dollar satışının olduğnu müşahidə edərik.
Məsələn, sentyabrın ilk dörd v.hərracında 267.1 mln. dollar, oktyabrda isə 266.7 mln. dollar satılmışdı. Sonuncu dəfə müvafiq dövr üçün ən yüksək nəticə yanvarda 379.1 milyon dollar olaraq qeydə alınmışdı.
