Məşhur “WhatsApp” messencerinin komandası öz internet saytında dəstək bölməsində xidmətin hansı cihazlarda işləyə biləcəyinə həsr olunmuş bölməni yeniləyib. Bildirilir ki, bir neçə aydan sonra iOS əməliyyat sistemi ilə işləyən bəzi iPhone smartfonlarına dəstək dayandırılacaq.
Hazırda “WhatsApp” iOS 12 və əməliyyat sisteminin daha yeni versiyaları ilə işləyən iPhone-ları dəstəkləyir. 5 may 2025-ci il tarixindən etibarən messencer yalnız iOS 15.1 və sonrakı versiyaları dəstəkləyəcək.
Beləliklə, iPhone 5s, iPhone 6 və iPhone 6 Plus modellərində “WhatsApp” işləməyəcək. Bu cihazların istifadəçiləri 5 mat 2025-ci ildən sonra iPhone-larını yeniləməsələr, “WhatsApp”a daxil ola bilməyəcəklər.
