Bu gün Türkiyə və İsveç arasında siyasi məsləhətləşmələr keçiriləcək.
Bu barədə Türkiyə XİN məlumat yayıb.
Bildirilib ki, danışıqlarda Türkiyəni xarici işlər nazirinin müavini Faruk Kaymakçı, İsveçi isə Xarici İşlər Nazirliyinin dövlət katibi, səfir Robert Ridberq təmsil edəcək:
“Məsləhətləşmələr çərçivəsində Türkiyə ilə İsveç arasında ikitərəfli münasibətlərin gündəmə gətirilməsi, Türkiyə ilə Aİ arasında münasibətlər və aktual regional və beynəlxalq məsələlər ətrafında müzakirə aparılması planlaşdırılır”.
