20 C
Baku
Monday, April 15, 2024

Bu il Gürcüstan-Azərbaycan tranzit dəhlizində yeni yolun inşası başlayacaq

Gürcüstanın Kaxeti bölgəsində 35 kilometrlik Tbilisi-Saqareco yolunun inşasına bu il başlanılacaq.

Bu barədə Gürcüstanın regional inkişaf və infrastruktur naziri Maya Tskitişvili parlamentdə “nazir saatı” formatında çıxışı zamanı bildirib.

Onun sözlərinə görə, yeni yolun inşası Gürcüstanın iqtsadi inkişafını sürətləndirəcək.

Nazir Tbilisi-Saqareco avtomagistralının inşasının dövlət büdcəsindən maliyyələşdiriləcəyini deyib: “Yolun konkret hissələrinin tikintisi ilə bağlı keçiriləcək tenderdə gürcü şirkətləri də iştirak edə biləcək”.

Tenderin bu ilin noyabr-dekabr aylarında elan olunacağı nəzərdə tutulur.

Dörd zolaqlı Tbilisi-Saqareco yolu Gürcüstan-Azərbaycan tranzit dəhlizi üzərində yerləşir. Yol hissəsinin tikintisi ilə dəhliz vasitəsilə hərəkətin təhlükəsizliyi artacaq və səyahət müddəti əhəmiyyətli dərəcədə qısalacaq.

MənbəReport
Son xəbərlər
Digər xəbərlər