Bu ilin yanvar-noyabr aylarında Azərbaycanda hava nəqliyyatı ilə 553.8 min sərnişin daşınıb.
Banker.az Dövlət Statistika Komitəsinin aylıq hesabatına istinadən xəbər verir ki, ötən ilin 11 ayı ilə müqayisədə bu il hava nəqliyyatı ilə sərnişindaşınmalarının sayı 77.9% azalıb.
Məlumatda bildirilir ki, daşımaların 99.4 faizi dövlət, 0.6 faizi isə özəl müəssisələrə məxsus nəqliyyat vasitələri ilə həyata keçirilib.
Qeyd edək ki, bu ilin yanvar-noyabr aylarında hava nəqliyyatı ilə yükdaşımalar 2.2 dəfə artaraq 398.2 min ton olub.
