Bu gün Azərbaycan Dövlət Neft Fondu (ARDNF) tərəfindən valyuta hərracına 50 mln. ABŞ dolları məbləğində valyuta kütləsi çıxarılıb.
Ən son hərrac mayın 5-də olub və ARDNF tərəfindən valyuta hərracına çıxarılan 50 mln. dollarlıq vəsaitin 40,8 mln. dolları 7 kommersiya bankına satılıb. Daha 5 mln. dolları isə Mərkəzi Bank alıb. Yəni, hərraca çıxarılan valyuta kütləsinin 91,6%-i satılıb.
Analitik qrupu Report qeyd edir ki, bugünkü hərracda da AMB-nin manat intervensiyasını davam etdirəcəyi və valyuta alacağı gözlənilir.
