Fevralda ABŞ-nin federal büdcəsinə 271 milyard vəsait daxil olub, 567 milyard dollar isə xərclənib. Cari maliyyə ilinin ümumi kəsiri (1 oktyabr 2023-cü ildə başlayıb) 828 milyarda çatıb – bu, 2021-ci Covid-19 ilindən sonra ikinci ən yüksək göstərici olub.
Mart ayında vəziyyət bir qədər yaxşılaşıb: kəsir illik müqayisədə 38 faiz azalıb.
Qalan mənzərə eynidir: altı ayda mənfi saldo bir trilyonu ötüb və 1.07 trilyon dollar təşkil edib.
Beləliklə, məqbul iqtisadi artıma baxmayaraq, federal büdcə kəsiri ÜDM-in təxminən altı faizini təşkil edir. Analitiklər hesab edirlər ki, neqativ dinamikanın əsas amillərindən biri borcun faiz dərəcələrinin artmasıdır.
Federal Ehtiyat Sisteminin (FED) faiz ödənişləri kəskin artaraq 429 milyard dollara çatıb. Bir il əvvəl bu göstərici 301 milyard dollar olub.
2023-cü ilin sonunda Konqres borcun ÜDM-in 98 faizi kimi kritik səviyyəyə yaxınlaşdığını açıqlayıb. Bir qədər sonra Beynəlxalq Valyuta Fondu (BVF) 122 faizdən danışıb.
Bu il BVF dövlət borcunun ÜDM-in 123 faizini, 2025-ci ildə isə 126.6 faizini təşkil edəcəyini proqnozlaşdırıb. Tənzimləyici vurğulayır ki, 2029-cu ilə qədər rəqəm 133.9 faizə çata bilər.
