Beynəlxalq Valyuta Fondu (BVF) Salvadora bitkoindən rəsmi ödəniş vasitəsi kimi istifadəni dayandırmağı tövsiyə edib. Təşkilat hesab edir ki, hökumətin qərarı ölkənin maliyyə sabitliyi üçün ciddi risklər daşıyır.
2021-ci ilin sentyabrında Salvador bitkoini rəsmi ödəniş vasitəsi kimi tanıyan ilk dövlət olub. Bununla belə, ölkə mütəmadi olaraq BVF-dən maliyyə yardımı istəyir. Vurğulanır ki, bitkoinin tanınması qərarı treyderlər və maynerlər tərəfindən müsbət qarşılansa da, iqtisadçılar buna qarşı çıxıblar.
“BVF-in direktorları bitkoinin ölkənin maliyyə sabitliyi, bütövlüyü, istehlakçı hüquqları və büdcə öhdəliklərini yerinə yetirməsi ilə bağlı böyük risklər daşıdığını hesab edirlər”, – deyə mesajda bildirilir.
Təşkilat ölkələrin kriptovalyutaları rəsmi ödəniş vasitəsi kimi tanımasına qarşıdır. Bu, dövlətlərin və mərkəzi bankların onların sərbəst buraxılmasına nəzarət etməmələri ilə əlaqədardır, bu da onların iqtisadi və pul sabitliyini təmin edə bilməməsi deməkdir.
