7 C
Baku
Sunday, January 29, 2023

Cəbrayıl rayonu ərazisində günəş elektrik stansiyasının tikintisi ilə bağlı gərgin danışıqlar aparılır

Cəbrayıl rayonu ərazisində gücü 240 MVt olan günəş elektrik stansiyasının tikintisi ilə bağlı gərgin danışıqlar aparılır.

Banker.az xəbər verir ki, bunu energetika nazirinin müavini Elnur Soltanov jurnalistlərə açıqlamasında bildirib.

Onun sözlərinə görə, Azərbaycan Energetika Nazirliyi ilə BP şirkəti arasında icra müqaviləsi mövcuddur, lakin başlama müqaviləsi hələ ki əldə olunmayıb.

“Gərgin danışıqlar gedir. Bu çox çətin prosesdir. Transmissiya qiyməti, vergi məsələləri var”, deyə Elnur Soltanov qeyd edib.

Nazir müavini həmçinin, qeyd olunan prosesin 2022-ci ildə bitəcəyinə ümid etdiyini də vurğulayıb.

Qeyd edək ki, Cəbrayıl rayonu ərazisində gücü 240 MVt olan günəş elektrik stansiyasının tikintisi təqribən 200 mln. dollara başa gələ bilər.

MənbəApa
Son xəbərlər
Digər xəbərlər
X