Bir çox çinli əmindir ki, onlar ölümündən sonra cəhənnəmə düşəcəklər. Onların cəhənnəm haqqında təsəvvürləri daosist konsepsiyasına əsaslanır və bu təsəvvürə görə dünyasını dəyiçən şəxsin ruhu bu yeraltı məhkəməyə düşür. Lakin onlar cəhənnəmi mənfi və əzablı mühit olaraq deyil, ruhlar aləmi kimi qəbul edirlər.
Dünyasını dəyişən şəxsin cəzadan xilas olmaq və ümumiyyətlə o dünyada rahat şəkildə yaşamaq üçün cəhənnəm hökmdarı Yanilo-Vana vergi ödəməsi üçün Çində xüsusi olaraq təsvir edilmiş banknotların yandırılması adəti mövcuddur. Ənənəvi olaraq bu banknotları ya bambuk və yaxud düyü kağızından hazırlayırdılar və üzərində sadə təsvirlər yer alırdı. Lakin 19-cu əsrin sonlarından başlayaraq yuan və dollar formasında yaradılmış xüsusi banknotlar geniş yayılmağa başlayır. Banknotların üzərində çinlilərin əjdaha, Budda və yaxud Nefrit kimi milli-mənəvi nümunələri ilə yanaşı, Con Kennedi, Eynşteyn və Marilyn Monroe kimi məşhurların təsvirlərinə də rast gəlmək mümkündür.
