“Cəlilabad Broyler” ASC 2023-cü ili 172 min manat zərərlə başa vurub. 2022-ci ildə broyler şirkəti 60 min manat mənfəət əldə etmişdir.
Banker.az bu barədə şirkətin maliyyə hesabatına istinadən xəbər verir.
Ötən il “Cəlilabad Broyler”in gəlirləri 116 min manat (əvvəlki ilə nisbətən 29% çox), xərcləri 288 min manat təşkil edib.
31 dekabr 2023-cü il tarixinə broyler şirkətinin cəmi aktivləri 4 milyon 821 min manat olub ki, bu da 2022-ci ilə nisbətən 10% azdır. “Cəlilabad Broyler”in cəmi kapitalı 2 milyon 283 min manatdan 4 milyon 736 min manata çatıb, cəmi öhdəlikləri isə 3 milyon 76 min manatdan 85 min manata düşüb.
Xatırladaq ki, “Cəlilabad Broyler” ASC 1997-ci ildə yaradılıb, nizamnamə kapitalı 849 238 manatdır və qanuni təmsilçisi Elvin Gülmuradovdur.
