Cənubi Koreya hökuməti Yun Sek Yolun impiçmentinin təsdiqlənməsindən sonra iyunun 3-ü tarixində növbədənkənar prezident seçkilərinin keçirilməsi ilə bağlı qərar qəbul edib.
Bu barədə ölkənin baş naziri Han Dok Sunun ofisi məlumat yayıb.
Qeyd edək ki, aprelin 4-də Konstitusiya Məhkəməsi yekdilliklə prezident Yun Sok Yolu hakimiyyətdən kənarlaşdırıb və seçkilər 60 gün ərzində keçirilməlidir.
Aprelin 8-də baş nazirin sədrliyi ilə Nazirlər Kabinetinin iclası keçirilib. Nazirlər Kabinetinin üzvləri də seçkinin iyunun 3-ü keçirilməsini təsdiqləyiblər.
