Azərbaycan bankları 2025-ci ilin ilk rübündə təqribən 254 milyon manat xalis mənfəət əldə ediblər və bu da 2024-cü ilin müvafiq dövründən 17 faiz azdır.
Banker.az bankların göstəricilərini hesablayaraq bu nəticəyə gəlir.
Qeyd edək ki, ötən ilin eyni dövründə bank sektoru 307 mln. manat xalis mənfəət əldə etmişdi.
Bank sektorunun xalis mənfəətinin azalmasına əsas səbəb faiz xərclərinin və qeyri-faiz xərclərinin öncəki illə müqayisədə daha sürətli dinamika ilə artmasıdır. AMB tərəfindən açıqlanan statistikaya əsasən keçən ilin iki rübündə 172.5 mln. manat faiz xərci və 427.8 mln. manat qeyri-faiz xərci bu il müvafiq olaraq 262.8 mln. manat və 510.9 mln. manata yüksəlib.
