24 C
Baku
Sunday, July 14, 2024

Çili Venesueladakı səfirini geri çağırıb

Çili prezidenti Qabriel Boriç Venesuelanın xarici əlaqələr üzrə xalq hakimiyyəti naziri Dri İvan Gil-Pintonun “Tren de Araqua” (“Araqua Train”) cinayətkar qruplaşması ilə bağlı bəyanatlarına görə ölkənin Karakasdakı səfirini məsləhətləşmələr üçün geri çağırmaq qərarına gəlib.

Bu barədə Çili prezidenti “X” sosial şəbəkəsindəki hesabında bildirib.

Onun sözlərinə görə, Venesuela xarici işlər nazirinin “Tren de Araqua” qrupunun mövcudluğuna məhəl qoymayan məsuliyyətsiz bəyanatları bu ölkənin təhlükəsizlik məsələlərində lazımi beynəlxalq əməkdaşlığa sadiq olmadığını nümayiş etdirir:

“Ölkədəki mövcud vəziyyət haqqında ətraflı məlumat toplamaq və ona bütün lazımi tədbirlərin görülməsini tapşırmaq üçün Venesueladakı səfir Xayme Qasmurini məsləhətləşmələr üçün geri çağırmaq qərarına gəldim”.

“El Tiempo” qəzetinin məlumatına görə, həftənin əvvəlində Dri İvan Gil-Pinto kolumbiyalı həmkarı Luis Gilberto Murillo ilə görüşündə Venesuelada yaranan “Tren de Araqua” qrupunun medianın ixtirası olduğunu bildirib: “Tren de Araqua” beynəlxalq medianın etiket yaratmaq üçün yaratdığı uydurmadır”.

Son xəbərlər
Digər xəbərlər