Çin iqtisadiyyatına birbaşa xarici investisiyalar yanvar-may ayları arasında 412.51 milyard yuan (56.81 milyard dollar) təşkil edib ki, bu da illik müqayisədə 28.2% azalma deməkdir, ölkənin Ticarət Nazirliyi bildirib.
Eyni zamanda, cari ilin ilk dörd ayının nəticələrinə görə, birbaşa xarici investisiyalardakı azalma 27.9% təşkil edib.
Ticarət Nazirliyi uzun sürən azalmanı yüksək baza effekti ilə əlaqələndirir – ötən ilin əvvəlində ölkədə son koronavirus məhdudiyyətləri qaldırılanda investisiya axını rekord səviyyələrə yaxın olub. Hakimiyyət qeyd edir ki, investisiyaların azalmasına baxmayaraq, onların həcmi tarixi baxımdan hələ də çox yüksəkdir.
