Çin Maliyyə Nazirliyi Honkonqda 4 milyard dollar dəyərində dollar dövlət istiqrazları yerləşdirməyi planlaşdırır, bu barədə qurumun bəyanatına istinadən “Bloomberg” yazır.
Yerləşdirmə 3 noyabr tarixində baş tutacaq. Nazirlik əlavə detalları sonra açıqlayacaq.
Bu, Çin Xalq Respublikasının 2021-ci ildən bəri Honkonqda həyata keçirəcəyi ilk dollar istiqrazı satışı olacaq. Həmin il də 4 milyard dollarlıq istiqrazlar yerləşdirilmişdi. Çin son dəfə dollar istiqrazlarını noyabr 2024-cü ildə buraxmışdı — o zaman yerləşdirmənin həcmi 2 milyard dollar təşkil etmişdi.
Yeni suveren istiqraz buraxılışı yalnız Çin şirkətlərinin xarici bazarlarda borc alətləri üzrə qiymətlənməsi üçün göstərici rolunu oynamır, həm də dövlətə xarici maliyyələşdirmə kanallarını və qlobal investorlarla əlaqələri qorumaqda kömək edir, agentlik qeyd edir.
Bundan əvvəl bildirilib ki, çip istehsalçısı “Yangtze Memory Technologies Co.” (YMTC) materik Çinin birjasında ilkin səhmlərin yerləşdirilməsi (IPO) imkanını nəzərdən keçirir.
YMTC-nin 200–300 milyard yuan (28–42 milyard dollar) məbləğində qiymətləndirilə biləcəyi gözlənilir ki, bu da IPO-nu son illərdə ÇXR-də ən böyük yerləşdirmələrdən birinə çevirə bilər.
