Çin 2028-ci ilə qədər Ayda baza tikməyi və daha sonra Yerin peykinə taykonavtları endirməyi planlaşdırır. Ay bazası çox güman ki, nüvə enerjisi ilə işləyəcək. O, enmə modulu, bunker, orbiter və roverdən ibarət olacaq. Tikinti Chang’e 6, 7 və 8 missiyaları tərəfindən aparılacaq.
Bu barədə “Bloomberg” “Caixin”ə istinadən məlumat yayıb.
Çinin Ayın kəşfiyyatı proqramının baş dizayneri U Vey Cen CCTV telekanalına müsahibəsində Çin taykonavtlarının on il ərzində Aya gedə biləcəklərini deyib. Onun sözlərinə görə, nüvə enerjisi Ay stansiyasının uzunmüddətli ehtiyaclarını ödəyə biləcək.
Son illərdə Çinin kosmik ambisiyaları əhəmiyyətli dərəcədə artıb. ÇXR Aya zondlar göndərib və Marsı hədəf alan öz kosmik stansiyasını inşa edib.
Bu planlar Çini ABŞ-a birbaşa rəqib edir. NASA 1970-ci illərdə “Apollon” proqramı başa çatdıqdan sonra ilk dəfə olaraq bu onillikdə öz astronavtlarını Aya yerləşdirməyi planlaşdırır. Çin bazasının Ayın Cənub Qütbündəki ilk forpost olacağı gözlənilir ki, bu da elm adamlarının su tapmaq üçün ən yaxşı yer olduğunu bildirir. NASA da Ayın bu hissəsini hədəfləyir. Çin nəticədə bazanı beynəlxalq tədqiqat stansiyasına çevirməyi hədəfləyir.
