Çin beynəlxalq uçuşların coğrafiyasını genişləndirərək koronavirus məhdudiyyətlərini yumşaltmaq qərarına gəlib.
Banker.az xəbər verir ki, bu barədə “Reuters” xəbər agentliyi məlumat verib.
Bu, Donald Trampın rəhbərliyi Çin aviaşirkətlərinə ABŞ-a uçuşları qadağan etməsindən sonra baş verib.
Xarici daşıyıcılar iyunun 8-dən başlayaraq Çinin istənilən şəhərinə uçuşlar həyata keçirə biləcəklər, bu barədə Çinin Mülki Aviasiya İdarəsi (CAAC) məlumat verib.
Qeyd edildiyi kimi, Çin Xalq Respublikasının aviaşirkətləri beynəlxalq marşrutlarda həftədə bir dəfə uçuş həyata keçirə biləcəklər. Gələcəkdə aviaşirkətlərə həftədə iki dəfə uçuş həyata keçirməyə icazə verilə bilər.
Bütün sərnişinlər öncədən Covid-19 testindən keçəcəklər. Əgər bir reysdə beş və ya daha çox sərnişində koronavirus aşkarlanarsa, CAAC həmin aviaşirkətə bir həftə uçuşları qadağan edəcəkdir. Əgər 10 və ya daha çox sərnişində koronavirus aşkarlanarsa, uçuşlar dörd həftə müddətində dayandırılacaq.
