24 C
Baku
Thursday, April 18, 2024

Çin elektromobilləri rəqiblərindən daha ucuz və keyfiyyətli olmağa başlayır – WSJ

“The Wall Street Journal” yazır ki, Çin elektriklə işləyən avtomobillər sahəsində təkcə kəmiyyət baxımından deyil, həm də keyfiyyət və model diapazonunun yenilənmə sürətinə görə digər ölkələri geridə qoyur.

Çində yeni modelin inkişaf dövrü ənənəvi avtomobil istehsalçılarından təxminən üçdə bir qədər qısadır. Çindəki əsas avtomobil yığma şirkətləri tez bir zamanda təchizatçıları dəyişir, inkişaf mərhələlərini paralelləşdirir və tam miqyaslı sınaqları modelləşdirmə ilə əvəz edir.

Bu cür variantların keçməsinin səbəblərindən biri elektrik nəqliyyat vasitələrinin dizayn baxımından daha sadə olmasıdır. Məsələn, Çinin ən böyük istehsalçılarından biri olan “NIO” şirkəti yeni modelin dizaynına başlamasından tədarükə qədər 36 ay vaxt xərcləyir. Müqayisə üçün, ənənəvi istehsalçılarda yeni avtomobil buraxılışı dörd il və ya daha çox çəkir.

Beləliklə, 2017–2023-cü illərdə “Volkswagen” dörd yeni elektrik modelini təqdim edib, “BYD” isə 19. Çində orta elektrik avtomobil modelinin aktiv satış dövrü də digər bazarlarda 4.2 ilə müqayisədə 1.3 il daha qısadır. Keçən il Çində tələbat artımının 90%-i yeni modellərin payına düşüb.

Bütün bunlara tələbin azalması fonunda qiymət rəqabəti də əlavə olunur. Məhz bu amillər fevral ayında Çin bazarında “Tesla” və “BYD” satışlarını 19% azaldıb. Yenə də dünyanın ən böyük elektrikli avtomobil bazarının bu il satışlarını 25% artıraraq 11 milyon ədədə çatdıracağı proqnozlaşdırılır.

Eyni zamanda, “yerli” istehsalçıların tədarükünün azlma ehtimalı var: “BYD” elə bu gün “Yuan Plus” krossoverinin yeni versiyasının qiymətlərini 12% azaldaraq 16 650 dollara endirib. Model bir yükləmə ilə 300 km-ə qədər məsafə qət edir və “Honda XR-V” və ya “Volkswagen T-Cross” kimi benzin avtomobilləri ilə birbaşa rəqabət aparır.

Son xəbərlər
Digər xəbərlər