“Goldman Sachs” analitikləri bildirirlər ki, Çində neftə tələbat bu il elektrik avtomobillərə və təbii qaza keçidlə əlaqədar nəzərəçarpacaq dərəcədə azalıb, Banker.az bu barədə xarici mediaya istinadən xəbər verir.
Şirkətin hesablamalarına görə, 2024-cü ildə ölkənin neftə tələbat artımı ötən illə müqayisədə sutkada 200 min barel, ümumi istehlak isə sutkada 300 min barel azalacaq.
Analitiklərin fikrincə, benzinlə işləyən avtomobillərdən təkcə elektrik və hibrid avtomobillərə keçid tələbi gündə 500 min barel azaldıb.
Çinin elektrikli avtomobil sektoru sürətlə inkişaf edir və ilk üç elektrik avtomobil istehsalçısı iyun ayında rekord satışa nail olub. Keçən ay dərc edilən bir hesabatda, Çin elektrikli avtomobil şirkətlərinin innovasiyaya gəldikdə sənaye lideri “Tesla”nı tutduqları və hətta qabaqladıqları ortaya çıxıb.
Əvvəlki hesabatda analitiklər elektrikli avtomobillərin və hibridlərin satışlarının artmasının Çinin neft istehlakının 2025-ci ildə pik həddinə çatacağını proqnozlaşdırmışdılar.
Təhlilçilər deyirlər ki, neftə tələbatın azalması Çinin istehsalatdan asılılığı ilə bağlı daha geniş problemləri də vurğulayır.
Neft hasilatının azalması Çin iqtisadiyyatında geniş yayılmış yavaşlama, o cümlədən daşınmaz əmlak sektorunda problemlər və zəif istehlakçı əhvali-ruhiyyəsi fonunda baş verir.
Xatırladaq ki, ölkənin iki əsas fond birjası bazar ertəsi günü xarici fond axını ilə bağlı gündəlik məlumatları dərc etməyi dayandırıb.
