Çin Xalq Bankı borcalanlar üçün illik kredit dərəcəsini (LPR) 10 baza bəndi azaldaraq 3.55%-ə endirib. Bu, son üç ayda ölkədə kredit faizinin ikinci azalmasıdır. Bundan əvvəlki azalma iyunda olub.
Banker.az bu barədə Kommersant-a istinadən xəbər verir. Mərkəzi Bankın beş illik kredit faizini dəyişməməsi də analitikləri təəccübləndirib – göstərici 4.2% səviyyəsində qalıb.
Mərkəzi Bankın qərarı “Shanghai Composite” və “CSI 300″ün 1.2-1.5% azalmasına səbəb olub, yuan dollara nisbətdə enişini davam etdirərək 0.3% ucuzlaşıb, 10 illik dövlət istiqrazları isə 2.56%-ə düşüb.
