Çin hökuməti Pekində yeni birja açacağını bildirib.
Banker.az “Kommersant”a istinadən xəbər verir ki, bu barədə 2021-ci il Beynəlxalq Xidmət Ticarəti Sərgisi zamanı ÇXR-in rəhbəri Si Tsinpin məlumat verib.
“Biz Pekin Fond Birjası yaracağıq, kiçik və orta sahibkarlara xidmət etmək üçün platforma quracağıq”, – deyə Si Tsinpin söyləyib.
Xatırladaq ki, avqust ayında Çin Şanxay və Şenjen birjalarında 40-dan çox IPO -nu dayandırıb. “Bloomberg” agentliyinin məlumatına görə, bu, bir sıra şirkətlərə qarşı aparılan araşdırmalar fonunda baş verib.
