Çin ticarət tariflərinin artırılması ilə əlaqədar Ümumdünya Ticarət Təşkilatında (ÜTT) ABŞ-a qarşı iddia qaldırıb.
Banker.az xəbər verir ki, bu barədə ÇXR-nın Ticarət Nazirliyinin saytında məlumat verilib.
“ÜTT qaydalarına uyğun olaraq, Çin öz hüquq və maraqlarını qoruyacaq, çoxtərəfli ticarət sistemini və beynəlxalq nizam-intizamı müdafiə edəcəkdir”, – mesajda deyilir.
Sentyabrın 1-də Çindən idxal olunan mallara 15%-lik tariflər qüvvəyə minib.
Avqust ayının sonlarında 200-dən çox şirkət Donald Trampdan yeni tariflərin ləğv edilməsini xahiş etmişdir. Onların sözlərinə görə, tariflərin artması amerikan alıcılarına ildə 4 milyard dollara başa gələcəkdir.
Qeyd edək ki, daha əvvəl İstehlak Texnologiyaları Assosiasiyasının rəhbəri olan Gary Shapiro bildirmişdir ki, ticarət tariflərinin artması məişət texnikası istehsalçılarına 10 milyard dollara başa gəlib.
