Çin və Hindistan sanksiyalar fonunda Rusiyadan neft alışını dayandırıb, “Reuters” yazır. Məlumata görə, bu, ABŞ sanksiyalarından təsirlənməyən tankerlərin yükdaşıma xərclərinin kəskin şəkildə artmasından sonra baş verib.
Yanvarın 10-da Vaşinqton Rusiyanın neft tədarük zəncirini hədəf alan yeni sanksiyalar tətbiq edib və bu, qiymətlərin qalxmasına səbəb olub. “Kpler” analitika şirkətinin məlumatına görə, son sanksiyalar Rusiyanın dəniz neft ixracının təxminən 42%-ni daşıyan tankerlərə, əsasən də Çinə təsir edib.
Hindistanın neft naziri Pankaj Jain cümə günü jurnalistlərə bildirib ki, ABŞ sanksiyaları çərçivəsində Rusiya neftini daşıyan tankerlər fevralın 27-dək nefti boşaltmalıdırlar. “Təsirə məruz qalan gəmilərin bortunda neftə görə ödənişlər martın 12-dək başa çatdırılmalıdır”, – nazir əlavə edib.
