Çin Xalq Respublikasının Əczaçılıq Məhsullarına Nəzarət Dövlət İdarəsi nəzdindəki Dərmanların Qiymətləndirilməsi Mərkəzi “Sinopharm” əczaçılıq korporasiyası tərəfindən hazırlanmış inaktiv vaksini təsdiqləyib.
TASS xəbər verir ki, bu barədə Çinin tibbi tənzimləyicisinin bu gün yaydığı məlumatda deyilir.
Məlumata görə, dərman yaxın vaxtlarda bazara çıxarılacaq.
“Sinopharm” tərəfindən idarə olunan Çinin Dövlət Biotexnoloji Qrupu daha əvvəl 2021-ci ildə 1 milyard dozaya qədər koronavirus peyvəndi istehsal etməyi planlaşdırdığını açıqlamışdı.
Bundan əvvəl “Sinovac Biotech” şirkəti də hər il 600 milyon doza peyvənd istehsal etmək üçün 500 milyon ABŞ dollarından çox sərmayə cəlb etdiyini açıqlamışdı.
