Çin və Honduraas arasında diplomatik əlaqələrin qurulmasından iki ay yarım sonra Pekində səfirlik açılıb.
Bu barədə Çin Mərkəzi Televiziyası məlumat yayıb.
Çinin xarici işlər naziri Tsin Qang və Honduras xarici işlər naziri Eduardo Enrike Reina yeni diplomatik missiyanın açılış mərasimində iştirak ediblər,
Honduras Çinlə diplomatik əlaqələr quran 182-ci ölkə oldu.
Martın sonunda Honduras Xarici İşlər Nazirliyi Tayvanla əlaqələri kəsdiyini və Çin hakimiyyəti ilə rəsmi diplomatik əlaqələrin qurulmasını elan etdi. Honduras hökuməti həmçinin Tayvanın ÇXR-in tərkib hissəsi olduğu Vahid Çin prinsipini də tanıyıb.
