“Financial Times”ın (FT) hesablamalarına görə, Çinin altı ən böyük bankında əsas fəaliyyət göstəricilərindən biri – xalis faiz gəliri rekord aşağı səviyyəyə düşüb. Belə ki, “Bank of China” və aktivlərinə görə dünyanın ən böyük bankı olan “Industrial and Commercial Bank of China” üçün bu göstərici 2024-cü ilin sonunda 1.48% təşkil edirdisə, 2021-ci ildə 2%-dən yuxarı olub.
Çin səlahiyyətliləri ölkənin yavaşlayan iqtisadiyyatını daha ucuz borclanma ilə stimullaşdırmaq üçün banklara təzyiq göstərdikcə gəlirlilik aşağı düşür. Bu tendensiyanın davam etməsi onu göstərir ki, hakimiyyət banklara təzyiq göstərir, onları ipoteka faizlərini aşağı salmağa, əmanətlər üzrə faizləri artırmağa, kiçik və orta biznes üçün kreditləri yenidən maliyyələşdirməyə məcbur edir. Bu, bank əməliyyatlarının gəlirliliyinə təsir edir və banklar öz fəaliyyətlərini maliyyələşdirmək üçün əlavə vəsait cəlb etməyə məcbur olurlar.
Məsələn, həftəsonu “Bank of China”, “Bank of Communications”, “Postal Savings Bank of China” və “China Construction Bank” səhmlərinin bir hissəsini institusional investorlara, o cümlədən Çin Maliyyə Nazirliyinə sataraq birlikdə 520 milyard yuan (72 milyard dollar) topladıqlarını açıqlayıb.
